حوار مميز مع الرسامة الكردية "هيفين محمد علي" ومواجهة الظروف والتحديات
سورية كردية مقيمة بتركية، رسامة محبة للفن عاشقة للرسم، اضطرت تسيب دراستها بسبب الظروف اللي تعرضت ليها، بس دا موقفهاش بالعكس رجعت تاني وكملت من جديد. بتعتبرموهبتها طوق نجاتها، ودا لأنها لما بترسم بتحس إن كل الأحاسيس السلبية بتختفي، ودا لانها دايما بتحس إن جو الرسم جوها ومساحتها الأمنة، محاورتنا اليوم "هيفين محمد علي" صاحبة ال 18 سنه.
بترسمي من أمتى، وازاي اكتشفتي شغفك تجاه الرسم؟
صرت أرسم من 2019 لما كنت بالمدرسة. وبهداك الوقت صارت مسابقة رسم بالمدرسة، وأنا شاركت بالمسابقة وطلعت الأولى، وبعدها بلشت أرسم أشياء صغيرة وحسيت أنه الرسم بينتمي إلي، كل ما أرسم أكثر أتعلق بالرسم أكثر، وهيك اكتشفت أنه عنجد عندي ه الموهبة، واستمريت بالممارسة طورت من رسمي كتير وإن شاء الله راح استمر.
أول رسمة ليكي كانت إيه؟
أول رسماتي كانت عشوائية كنت حب أرسم شخصيات بنات.
ممكن توضحي الظروف اللي خلتك توقفي دراسة؟
لما طلعنا على تركيا كنت بعمر صغير بس وقتها ما كانوا يقبلوا السوريين بالمدارس، بعدها بسنتين قبلوا لكن وقتها كنت أكبر من طلاب الصف، رغم هيك درست 4 سنين، وبعدها بطلت بسبب كورونا، وتسكرت المدارس، ووالدي اتوفى مريت بصدمة وظروف صعبة كنت مجبورة أترك الدراسة لساعد أخواتي بمصروف البيت والعيشة.
شايفة الرسم موهبة أكتر ولا مهارة؟
الرسم موهبة، بس فينا نقول أكثر أنه مهارة أي حد بيحب الرسم وبدوا يتعلم أكثر، لازم يستمر، ومع الممارسة بصير أحسن بكتير.
ازاي بتطوري من نفسك ومن رسمك؟
طورت من رسمي بالاستمرار وتعلم أساسيات الرسم وبمساعدة اليوتيوب، يعني أي حد ما فيو يروح لكورسات الرسم فيو يتعلم باليوتيوب، في كورسات كاملة تعلمنا أساسيات الرسم ورسم البورتريه.
إيه أكتر حاجة بتحبي ترسميها؟
حالياً بحب أرسم العيون و بيطلع حلو معي.
مين أكتر حد بتحبي أعماله، وايه مصدر إلهامك؟
بحب الفنان ليوناردو دافنشي بحب طريقة رسمه الهادئ، وكمان بحب فنسنت فان خوخ واستخدامه اللون الأزرق في أغلب رسوماته بتحسس دائماً بالطمائنية، وكمان في صور باخدها من البينترست وبتساعدني في الرسم.
نفسك تكون زي مين من الفنانين وإيه السبب؟
اللي ساعدني بتعلمي الرسم عن طريق اليوتيوب هو الفنان نور ياسين بحب رسمو كثير
إيه أكتر حاجة فخورة إنك عملتيها؟
فخورة ب إنه وصلت نفسي لها لمستوى اللي لما كنت صغيرة ما كنت أتوقع إني أوصل له، وإن شاء الله رح أعمل أشياء تخليني فخورة بنفسي أكثر بالمستقبل.مين اللي بيشجعك ويدعم فنك؟
عيلتي من أول المشجعين إلي وكمان رفقاتي دائما بشجعوني وبيكونوا جنبي.
إيه أكتر تعليق سمعته من حد وأثر فيكي؟
بصراحة مافي تعليق أثر فيني كثير يعني طبعاً التعليقات اللي يجيني لرسماتي بفرحوني كتير وبيخلوني أستمر بس اجتني رسالة من بنت هي كمان ترسم أثرت فيني الرسالة كانت أيجابية وكتير فرحني.
الرسالة 👇🏻
سلام، مرحبا هفين اللطيفه، عذرا على التطفل بس كم كلمة بقلبي حبيت اقولهم لك ... شفت صفحتك بالصدفه وانبهرت من الجمال والترتيب والتفاصيل اللطيفة ... حابة أقولك استمري بانتاجك الرهيب يا قمر يارب توصلين للي تتمنينه ... استمتعت جدا وانا اتصفح منشوراتج عبارة عن طاقة إيجابية وهالة وردية كلها ازهار.
إيه المشاكل اللي واجهتك ك فنانة ورسامة و اتعاملتي معاها ازاي؟
المشكلة اللي واجهتها وأغلب الرسامين يواجها هي إنه ما ناخد حقنا، يعني الرسمات اللي ننزلها على الانستا ما تطلع اكسبلور وما بتاخد التفاعل، بصراحة بفكر إنه السبب اللي في السوشيل ميديا بيحبو أكتر يتابعوا اللي ينشر الفلوقات وأوقات السفر وكيف بيعيشو وهيك أو يمكن إنه عنجد نحنا ما عم نستخدم الطريقة الصحيحة في النشر.
بظن الحل أنه نفرغ حالنا تماماً لسوشيال ميديا ونحاول نطلع اكسبلور وننزل اوقاتنا وكيف بنعيش أكتر مع المتابعين، بس أنا ما عندي مجال لها الشي يعني بحاول بس ما بلاقي وقت لأنه بشتغل.
ازاى بتتعاملي مع ال art block؟
بصراحة أكيد بنزعج كثير من هل شغله ويمكن قول إنه هي المشكلة الأساسية عندي بحاول أتعامل مع الموضوع بس صعب شوي، بعتمد على إنه شوف مقاطع الرسامين مشان ما افقد الشغف.
الرسم غير إيه في شخصيتك؟
ما غير شي بشخصيتي بس زاد التفائل عندي وخلاني حب الحياة أكثر.
إيه هو حلمك اللي بتسعي لتحقيقه؟
حلمي إني صير رسامة محترفة وافتح مشروع اللي ممكن يكون متجر رسم يعني يصير عندي شغل خاص فيني.
نصيحة تقولها لحد بيبدأ في الرسم
نصيحتي لحد بيبدأ في الرسم إنه يبدأ بطريقة صحيحة، يعني أول شي يتعلم أساسيات الرسم لحتى ما يفشل ويفقد الشغف، اللي ما يعرف من وين يبلش بالرسم أو يبلش بطريقة خاطئه راح يواجه صعوبات كتير وممكن يفقد الشغف، فـ نصيحتي لا يستسلم ابداً ويحاول باستمرار.
✍️بسمله دهب
#عبثيون #3abthion #عبثيون_العصر_الحالي
ما شاء الله رسامة مبدعة ♥️
ردحذفرسمك حلو اوي بجد 😍😍♥️
ردحذفكيوت 💕
ردحذف