10 صفات للأنثى المكتملة وازاي ترفعي طاقتك الأنثوية
- أتعلمي تتواصلي مع نفسك وجسمك وروحك
وفري من وقتك حتى لو نص ساعة يوميا واتكلمي فيها مع نفسك واسمعيها واديها حقها زيها زي أي حد فى حياتك.
- الأهتمام بالمظهر الخرجي
الأنثى المكتملة الأنوثة بتهتم بمظهرها الخارج ، ولكن مش بالتبرج أو المكياج والميك أب، لا بتعتني بجسمها ولبسها ومهتمة بنظافتها الشخصية.
- أتعلم أقول مش عارفة وأطلب المساعدة
- اتعلمي تتكلمي برقة وبهدوء ومتكونيش عنيفة
البنت السوية بتتكلم برقة ودلع وصوتها مش عالي ولا عنيفة زي الرجالة، ولكن ده مش معناه تكوني مسهوكة على رجالة غير محارمك لأن ده حرام، الاعتدال حلو بردو.
- البنت السوية معندهاش مصطلح سترونج أندبنت ومان ده نهائي
البنت كائن رقيق بطبعه، وبتتأثر بالضغط والعنف، عشان كده ربنا أكرمنا وعززنا ومهتم بأدق تفاصيلنا الجسمانية والنفسية، وبقى الشغل اللي هو عبارة عن مجهود وتعب ومشفة للرجالة.
- تحقيق التواصل مع الذات
التواصل ده بينجح لما بتتعاملي مع كل تفصيلة ليكي بهدوء و رواق وتدي كل حاجة حقها، لو بتعملي سكين كير تعمليه بهدوء وتستمتعي بكل تفصيلية، وتستشعري كل تفصيلة خاصة بيكي، وتفهمي لغة جسدك وروحك وتحققي احتياجاته بنجاح.
- تقدير الذات
قدري نفسك وعرفيها، ومتستنيش من حد تاني يقدرها ويحبها ويعرفك عليها، فى مقولة سمعتها لسيدنا علي ابن أبي طالب بتقول " لا تجعل جهل الناس بك يغلب علمك بنفسك".
- تقبل فطرتك الأنثوية
ود كان من بداية الخلق لما ربنا خاطب سيدنا آدم وخصه هو بالشقاء دون ذكر حواء، ربنا من بداية الخلق عززنا وكان مقدر الشقاء للرجال، لأن الراجل قدرته الجسمانية والنفسية مختلفة عن الست، تقبلي فطرتك ومتضغطيش نفسك.
- وفري لنفسك روتين يومي للعناية بنفسك
الاهتمام بنفسك ده بينعكس على نفسيتك وعلى شكلك وعلى طاقتك، حاولي لو متزوجه تعملي الروتين ده قدام شريكك، هياخد انطباع حلو عنك وهيحس بطاقتك الأنثوية.
- بلاش تقعدي حاطه رجل على رجل
النقطة دي من عندي أنا وصدقيني بتفرق كتير فى الانطباع، مش من صفات الأميرات إنك تقعدي كده، الباد جيرل بس هي اللي بتقعد كده، حاولي تركزي مع حركاتك ولغة جسدك لأنها بتعكس أنت شايفه نفسك ازاي.
حبيت جدااا عاش ي صديقي
ردحذفمنتظرة كل الحلقات بفارغ الصبر
اسلوب عرضك تحفة
ردحذفجميل ولذيذ وخفيف