🏫 كلية التربية: طريقك لـ"مهنة الأنبياء" وإعداد الأجيال

#سلسلة_اهتم_بتفاصيل_كليتك #أعرف_الكلية_قبل_م _تقدم_فيها  

دلوقتي جيه دور كلية التربية، لو أنت خريج ثانوية عامة وبتفكر تدخل كلية التربية، أو لسة محتار تختارها ولا لأ، هنا هتفهم كل حاجة عنها باللهجة المصرية من غير تعقيد!

واللي تعتبر واحدة من أهم الكليات، ودا عشان تخصصاتها وأقسامها كتير، وكمان مهتمة بتحضير كوادر تعليمية وتربوية متخصصة في مجال التعليم العام. وتعتبرواحدة من الكليات الحيوية اللي ليها دور أساسي في تطوير القطاع التعليمي ورفع مستوى التعليم في البلد.

كلية تربية من كلية نظرية وعملية ف نفس الوقت، متاحة لطلاب أدبي وعلمي، بس في أقسام خاصة لكل شعبة وأقسام مشتركة بين الأتنين، بتدرس في الكلية 4 سنين، وليها تنسيق داخلي عشان تعرف هتدخل تربية عام ولا أساسي ولا طفولة، والتنسيق بيكون حسب المجموع.

طيب إيه الفرق بين تربية عام وتربية أساسي وتربية طفولة
خريج تربية عام متاح ليه التدريس لطلاب الإعدادي والثانوي، أما خريج تربية أساسي أو ابتدائي متاح ليه التدريس لطلاب الإبتدائي، بالنسبة بقي لتربية طفولة فواضح من إسمها إن خريجها بيبقي مدرس للأطفال، مع العلم إن تربية طفولة متاحة للبنات بس.

موجودة في كل الجامعات تقريبا زى: ( جامعة القاهرة، جامعة عين شمس، كلية البنات جامعة عين شمس، جامعة حلوان، جامعة الإسكندرية، جامعة الزقازيق، جامعة السويس، جامعة العريش، جامعة الفيوم ، جامعة المنصورة، جامعة المنوفية بشبين الكوم، جامعة المنيا، جامعة الوادي الجديد، جامعة أسوان، جامعة أسيوط، جامعة بنها، جامعة بني سويف، جامعة بورسعيد، جامعة جنوب الوادي، جامعة دمنهور، جامعة دمياط، جامعة سوهاج، جامعة طنطا، جامعة كفر الشيخ، جامعة السادات، جامعة مطروح، جامعة مصر للعلوم والتكنولوجيا).

أقسام كلية التربية

الأقسام العلمية

▪️ قسم العلوم الجيولوجية والبيولوجية (شعبة الجيولوجيا - شعبة والبيولوجيا).

▪️ قسم الطبيعة والكيمياء (شعبة فيزياء - شعبة كيمياء).

الأقسام الأدبية

▪️ اللغة العربية والدراسات الإسلامية.
▪️ اللغة الإنجليزية.
▪️ اللغة الفرنسية.
▪️ اللغة الألمانية.

أقسام العلوم الإجتماعية

▪️ الجغرافيا ونظم المعلومات الجغرافية.
▪️ التاريخ.
▪️ الفلسفة

▪️ علم الاجتماع.

الأقسام التربوية

▪️ المناهج وطرق التدريس: بيركز على تطوير المناهج الدراسية واختيار أفضل الطرق التعليمية لتلبية احتياجات الطلاب والمساهمة في تحقيق أهداف التعليم.
▪️ الصحة النفسية.
▪️ أصول التربية.
▪️ علم النفس التربوي: بيدرس علم النفس وتطبيقاته في المجال التربوي، زي نظريات التعلم والتطوير النفسي للطلاب.
▪️ التربية المقارنة والإدارة التعليمية.

▪️ قسم التربية الخاصة.

▪️ قسم الإدارة التربوية وسياسات التعليم: دراسة طرق إدارة المؤسسات التعليمية بفعالية، وتطوير سياسات التعليم وبرامج التطوير المهني للمعلمين.

▪️ قسم تكنولوجيا التعليم: مهتم بالتكنولوجيا التعليمية وطرق استخدام التكنولوجيا في تحسين عمليات التعلم والتدريس.

قسم الدراسات الإجتماعية.
قسم تجاري وصناعي.

قسم الرياضيات.

مع العلم إن أقسام كلية التربية بتختلف من جامعة للتانية، يعني مش كل الأقسام دي متاحة في نفس الكلية.

مجالات عمل خريج كلية التربية

التدريس سواء كان في مدارس حكومية أو خاصة أوحتى انترناشونال مع الكورسات والتطوير الذاتي.
خريج قسم الكيمياء ممكن يفتح معمل تحاليل.
خريج قسم الجغرافية ممكن يشتغل في مجال المساحة.
خريج قسم التاريخ ممكن يشتغل في مجال الإرشاد السياحى.
خريج قسم علم النقس ممكن يبقى أخصائى نفسي.
خريج اللغات ممكن يبقى مترجم.

خريج قسم الإدارة التربوية ممكن يكون مدير للمدارس والمراكز التعليمية، وصياغة السياسات التعليمية.