التسميات
مرسلة بواسطة

🌱 كلية زراعة: مش مجرد "حرث وسقي"! (دليلك لقلعة الأمن الغذائي بمصر)

#سلسلة_اهتم_بتفاصيل_كليتك #أعرف_الكلية_قبل_م _تقدم_فيها


"زراعة؟! يعني فلاح؟!"
جملة كتير من طلاب الثانوية بيسمعوها، بتخليهم يبعدوا عن كلية الزراعة من غير ما يعرفوا إيه اللي بيتعلموه فيها فعلًا، ولا إمكانيات ومستقبل الكلية دي رايح لفين.

تعال نتعرف سوا على كلية الزراعة… بعيد عن الصورة النمطية، وبقلب منفتح على العلم والمعنى الحقيقي للإنتاج والحياة.


📜 لمحة تاريخية

تأسست سنة 1889، وكان اسمها وقتها "مدرسة الزراعة الخديوية" أو "مدرسة الزراعة العليا" وبقت كلية ضمن كليات جامعة القاهرة سنة 1935. ومن يومها ليها دور كبير في تطوير الزراعة، الإنتاج الحيواني، الأمن الغذائي، والبحث العلمي في مصر والعالم العربي.

دا غير إن كلية زراعة هي اللي دخلت زراعة القطن طويل التيلة، ودا اللي خلى مصر رقم 1 عالميا في نص القرن ال20. ودلوقتي بقت موجودة في كل الجامعات تقريبًا، ولكل كلية زراعة طابعها الخاص وتخصصاتها المتميزة.


🌾 الأقسام والتخصصات

من أهم مميزات كلية الزراعة إنها متنوعة جدًا، فيها تخصصات علمية ونظرية وتطبيقية، ودي بعض أهم الأقسام:

  • علوم الأراضي: 

تحليل التربة، علاج الأملاح، وإزاي تحول صحراء لـجنة خضرا.

  • الإنتاج الحيواني والدواجن:

تربية عجول بتنتج لبن زيادة ٣٠٪، وإدارة مزارع الدواجن الحديثة.

  • وقاية النبات:

مكافحة الحشرات بـ"مبيدات صديقة للبيئة" وحماية المحاصيل من الأمراض.

  • البساتين (فاكهة وخضر وزينة):

زراعة المانجو الاستوائية، تطوير أنواع عنب بلا بذور، وتصميم حدائق القصور

  • المحاصيل
تربية القمح والأرز، وهندسة أصناف جديدة تقاوم الجفاف.

  • الهندسة الزراعية

تصنيع آلات ري بالطاقة الشمسية، وصيانة "الكمباين" العملاقة.

  • التكنولوجيا الحيواني

تعديل جينات النباتات لمقاومة الأمراض، وإنتاج "لحوم صناعية"


📚 نظام الدراسة:

  • المدة: ٤ سنين (نظام ساعات معتمدة) + سنة تدريب (إجباري).

  • الدراسة: ٦٠٪ عملي (معامل، حقول تجارب، رحلات ميدانية) و٤٠٪ نظري.

  • السنة الرابعة: بتختار تشتغل على بحث تطبيقي (مثال: "زراعة فدان بطاطس بالماء المخلوط بمياه الصرف المعالجة") .


💼 مجالات عمل الخريجين

اللي يفتكر إن خريج زراعة ملوش شغل، يبقى لسه ما اكتشفش السوق الحقيقي!

ودا لأن خريج كلية الزراعة يقدر يشتغل في مجالات زي:

  • الشركات الزراعية والغذائية

  • مصانع الأغذية ومنتجات الألبان

  • مزارع الإنتاج الحيواني والدواجن

  • شركات المبيدات والأسمدة

  • شركات الاستيراد والتصدير الزراعي

  • المعامل البحثية

  • وزارة الزراعة والهيئات الحكومية

  • البحوث الوراثية والهندسة الوراثية

  • التدريس أو التعليم الزراعي

  • ريادة الأعمال الزراعية (مشروعات صغيرة، استزراع سمكي، زراعة ذكية)

💡 ومع تطور التكنولوجيا الزراعية، ظهرت فرص كبيرة في:
الزراعة الذكية، تحليل البيانات الزراعية، الأمن الغذائي، وتكنولوجيا الأغذية.


💬 ختامًا

كلية الزراعة مش بس كلية، دي طريق علمي متكامل يوصلك لعالم الإنتاج، والتغذية، والاستدامة.
لو بتحب الطبيعة، العلوم، وحابب تعمل حاجة عملية تخدم المجتمع… ممكن تلاقي مستقبلك هنا.

👈 نفسك تعرف أكتر عن كلية معينة؟ سيب لنا اسمها، واستنّا المقال الجاي في سلسلة "اهتم بتفاصيل كليتك" ✨

✍️ كتابة: بسمله دهب (𝓑𝓜𝓓) – كاتبة محتوى ، مؤسس "عبثيون".  

مقالات مقترحة 



إرسال رسالة إلكترونية
التسميات:

تعليقات

إرسال تعليق

متنساش تشاركنا برأيك

المشاركات الشائعة