كلية الدراعمة - معقل اللغة والفكر العربي

#سلسلة_اهتم_بتفاصيل_كليتك #أعرف_الكلية_قبل_م _تقدم_فيها

حبيت أبدأ هنبدأ ب "الدراعمة"، كلمة ميعرفهاش غير طلاب وخريجين كلية دار العلوم، اللي أنا واحدة منهم.

في قلب جامعة القاهرة، تقف كلية دار العلوم شامخة بتاريخها العريق ومكانتها الفكرية، كواحدة من أعرق الكليات المتخصصة في اللغة العربية والدراسات الإسلامية.

 هي مش بس كلية… دي رحلة في أعماق التراث، ومفتاح لفهم الحضارة، وبوابة حقيقية للتأثير الثقافي والفكري.

مع الأسف كلية دار العلوم من الكليات المظلومة، ودا لأن في ناس كتير متعرفهاش. وكمان بيحصل خلط بينها وبين كلية علوم، مع إن مفيش وجه تشابه أصلا بينهم. أقسامهم ومجالاتهم مختلفة خالص.

وناس تانيين متعرفهاش ولا تسمع عنها أصلا، وبيبدأ خريج الثانوية العامة يدور ويعرف معلوماتها لما تظهرله في التنسيق، لكن غير كدا محدش يعرف عنها حاجة إلا طلابها وخريجيها واللي يعرفهم أو يقربلهم، أو الي بيسمع إذاعة القرآن الكريم ممكن تكون عدت عليه. 

📜 التأسيس:

كلية دار العلوم أنشأها علي باشا مبارك عام 1872 كمدرسة وكانت وقتها "مدرسة دار العلوم"، وتطورت لحد م بقت واحدة من المدارس العالية قبل م يتم ضمها لجامعة القاهرة عام 1946، وأحتفظت بااسمها التاريخي العزيز وحتى الأن.

مع العلم إن كلمة علوم اللي في اسمها المقصود بها العلوم العربية والإسلامية، ودا عشان بتخرج متخصصين في اللغة العربية والأدب العربي والدراسات الإسلامية.

📍 الانتشار:

موجودة في 4 جامعات حكومية فقط:

• جامعة القاهرة 

• جامعة الفيوم 

• جامعة المنيا

• جامعة أسوان 

الأقسام العلمية (٧ أقسام رئيسية)

.النحو والصرف والعروض: قواعد اللغة، تشكيل الكلمات، أوزان وبحور الشعر

الدراسات الأدبية: الأدب الجاهلى، الإسلامي، الحديث.

البلاغة والنقد الدبي: فنون البديع، التحليل النقدي للنصوص.

علم اللغة والدراسات السامية: مقارنة اللغات (العبرية/ الفارسية).

الشريعة الإسلامية: الفقه، أصول الدين، التشريع.

الفلسفة الإسلامية: العقيدة، المنطق، الفكر الإسلامي، فلسفة الأخلاق.

التاريخ الإسلامي: السيرة النبوية والخلفاء الراشدين، الحضارة الإسلامية،التاريخ السياسي والاجتماعي.

وفي مرحلة الدراسات العليا، بتقدم الكلية تخصصات أكثر دقة وتخصص، ما بين الأدب، والفقه، والتحقيق، والتحليل اللغوي، وغيرها.

نظام الدراسة

• المدة: ٤ سنوات (٨ فصول دراسية).

• الدرجة: الليسانس في اللغة العربية والعلوم الإسلامية.

💼 مجالات عمل الخريجين

• تدريس اللغة العربية والتربية الإسلامية (بعد الحصول على دبلومة تربوية)

• تدريس العربية للناطقين بغيرها.

• العمل في الأزهر الشريف أو وزارة الأوقاف

• الصحافة والتحرير والمجلات الثقافية

• الكتابة والتأليف والنشر

• الترجمة والتحقيق اللغوي

• مدقق لغوي في دور النشر.

• الإرشاد الديني والدعوة

• تحقيق التراث والمخطوطات.

• البحث الأكاديمي (بعد استكمال الماجستير والدكتوراه).

• مذيع إذاعي (خاصة إذاعة القرآن الكريم) لامتلاك مخارج ألفاظ سليمة.

ومع تطور سوق العمل الرقمي، بدأ كثير من خريجي الكلية يبدعوا في مجالات زي:

• كتابة المحتوى والتسويق الرقمي

• التعليم الإلكتروني والمنصات التعليمية

• إعداد الدورات التدريبية

• البودكاست والحوارات الثقافية

نصائح لطلاب الثانوية العامة:

1. يفضل تكون من محبين اللغة العربية والنحو والبلاغة والأدب (تجنبا للصياح طول ال 4 سنسن).

2. تابع الحدود الأدنى للتنسيق عبر موقع "تنسيق الجامعات".

3. استعد لدراسة لغات شرقية (عبري أو فارسي) بجانب العربية والإنجليزية.

💬 ختامًا

كلية دار العلوم مش مجرد مكان بتدرس فيه اللغة العربية … دي مصنع للهوية، وفرصة حقيقية لصناعة تأثير فكري وثقافي.
لو بتحب التعبير، وعندك شغف باللغة والدين والتاريخ… يبقى دار العلوم ممكن تكون المكان اللي تستحقه.

👈 لو حابب تسأل أكتر عنها، أو عن كلية تانية … قولنا في التعليقات أو أبعت لنا في الرسائل، ومستنيين آرائكم وتجاربكم مع دار العلوم 💬

✍️ كتابة: بسمله دهب (𝓑𝓜𝓓) – كاتبة محتوى ، مؤسس "عبثيون".  

مقالات مقترحة 

• إزاي تبقى مدقق لغوي؟