استكشف كليات جامعات مصر: دليلك الشامل بعد نتيجة الثانوية العامة

#سلسلة_اهتم_بتفاصيل_كليتك #أعرف_الكلية_قبل_م _تقدم_فيها

بما إن إمتحانات الثانوية العامة خلصت، والنتيجة قربت تظهر، بتبدأ الحيرة والقلق والتفكير، وسؤال مهم بيدور في أغلب الأذهان ... يا ترى هدخل كلية إيه؟!!

 لو أنت من الطلاب اللى حددوا وجهتهم الجامعية بوضوح، وعارفين هيدخلوا إيه، فاضلهم بس النتيجة، وإن شاء الله تكون في صالحهم، ويدخلوا اللي بيحلموا بيها.

أما بقى لو لسة محتار، ومنتظر النتيجة والتنسيق، وبناء عليه بقى تحدد من الأختيارات المتاحة.

ف أحنا هنا جنبك، وبنقولك متقلقش، الحيرة دي طبيعية. لأن اختيار الكلية خطوة مهمة ومصيرية. ولما تعرف التفاصيل الدقيقة لكل كلية، دا هيساعدك كتير في إنك تاخد القرار الصح، وتحقيق أهدافك المستقبلية.

رحلتك لاستكشاف كليات مصر تبدأ هنا!

عشان نساعدك في رحلتك دي، هنبدأ سلسلة مقالات جديدة ومتكاملة: "أعرف الكلية قبل م تقدم فيها". هنروح في جولة تعريفية شاملة جوا الكليات المختلفة بجامعات مصر. أفتكر إن المعرفة قوة،  حتى لو كنت قد حددت كليتك، إنك تعرف الكليات الأخرى دىا يوسع آفاقك ويديك رؤية أوضح لمجال دراستك مقارنة بالمجالات التانية. وكمان العلم بالشيء وأفضل من الجهل به.

هنقدملك إيه في سلسلة "أعرف الكلية قبل م تقدم فيها"؟

• التعريف بالكلية

• لمحة تاريخية.

• الأقسام والتخصصات.

• مجالات عمل الخريجين

• رؤى وتجارب

هل في كلية معينة شاغلة بالك وحابب تعرف كل تفاصيلها؟ 

اكتب اسم الكلية في التعليقات!
وهنحاول - بإذن الله - نتكلم عن الكليات، وبالأخص الكليات الأكثر طلباً منكم، ضمن سلسلتنا "أعرف الكلية قبل م تقدم فيها". متترددش، استفسارك هيساعدنا نقدم المحتوى الأكثر إفادة لك ولزملائك.

استعد لرحلة استكشاف شيّقة! ومتنساش تتابعنا عشان توصل لدليلك اللي هيقولك ازاي تجتاز مفترق طرق مصيري بثقة ووعي.

✍️ كتابة: بسمله دهب (𝓑𝓜𝓓) – كاتبة محتوى ، مؤسس "عبثيون".  

مقالات مقترحة 

• كلية الدراعمة - معقل اللغة والفكر العربي
  
•   كلية الحقوق – طريقك لفهم القانون والدفاع عن العدالة