هدنة_نفسية: 15 يوم تهدي فيهم نفسك وسط الإجازة

إجازة نص السنة جت، ومعاها فرصة توقف فيها كل الدولة اللي جواك، تخفف عن نفسك شوية ضغط، وترجع تسمع نفسك من جديد. 

هدنة نفسية مش تحدّي، ولا خطة صعبة … 

ده مجرد أسبوعين، 15 يوم، خطوة يومية صغيرة … 

بس أثرها كبير على مزاجك وطاقة عقلك.

إيه هي هدنة نفسية؟

هدنة نفسية هي خطوة يومية بسيطة، تقدر تمارسها كل يوم لمدة أسبوع، وتكرّرها لمدة أسبوعين كاملين. الهدف؟ تهدئة العقل، تصفية المشاعر، وإعادة شحن الطاقة النفسية بعيد عن الضغوط

إزاي تمارس الهدنة النفسية في 15 يوم؟

الأسبوع الأول: نرجع لنفسها

1. اليوم 1 | لاحظ نفسك

خد دقيقة توقف فيها، لاحظ مزاجك ومشاعرك بدون حكم.

2. اليوم 2 | تنفّس واعي

3 دقايق بس، شهيق وزفير ببطء … خلي ذهنك حاضر.

3. اليوم 3 | جملة واحدة صادقة

اكتب جملة واحدة عن شعورك انهاردة. الصدق أهم من الإيجابية القسرية.

4. اليوم 4 | راحة من المقارنة

أي مقارنة تيجي في بالك؟ اعتبرها إشارة توقف … طريقك ليه توقيته.

5. اليوم 5 | امتنان واقعي

ركز على حاجة واحدة حصلت وكانت كويسة، مهما كانت صغيرة.

6. اليوم 6 | لحظة هدوء

5 دقايق من غير موبايل … لحظات صمت، استمتع بكوباية شاي، أقف في الشباك شك هوا.

7. اليوم 7 | جرد بسيط

إيه ريّحك الأسبوع ده؟ إيه مش عايز تاخده معاك للأسبوع الجاي؟

الأسبوع الثاني: نخفّف الحمل

8. اليوم 8 | قول "لا" واختار نفسك

قول لا لحاجة واحدة مش ضرورية، خفّف الضغط اللي عليك.

9. اليوم 9 | ترتيب مساحة صغيرة

درج، مكتب، شنطة … الترتيب بيريح دماغك.

10. اليوم 10 | كلام أهدى مع نفسك

عدّل جملة واحدة بس كنت تقولها لنفسك بقسوة، أو فكرة غلط والدها عن نفسك.

11. اليوم 11 | تفريغ ذهني

اكتب كل اللي في دماغك … من غير ترتيب، من غير فلترة.

12. اليوم 12 | حركة خفيفة

مش رياضة … مشي، تمدّد، تنفس، أي حركة بسيطة تريح جسمك.

13. اليوم 13 | نية اليوم

اختار إحساس واحد تحب تعيش بيه اليوم كله.

14. اليوم 14 | رسالة لنفسك

رسالة قصيرة لنفسك قبل الرجوع للروتين، كلمة شكر أو تحية لنفسك أو حتى تقدير المجهود والصبر والتحمل.

اليوم 15 | الخاتمة

مش عادة جديدة… بس سؤال:

إيه عادة صغيرة تحب تكملها بعد هدنة نفسك؟

ليه الهدنة النفسية مهمة؟

• تهدّي المزاج وتقلّل القلق والتوتر.
• تعلّمك تسمع نفسك من غير دوشة.
• سهلة وبسيطة، مناسبة للكل.

ممكن تدرّب دماغك على الانتباه للحظة الحالية، زي mindfulness لكن بطريقة عفوية وشاعرية.

نصيحة:

الهدنة النفسية مش سباق، مش مسابقة … هي فرصة تحسسك إنك مهم، وإن وقتك لنفسك مش رفاهية، ده ضروري.

منتظرة تشاركوني رأيكم في التعليقات 

ولو استفادت من المقالة شاركها مع صديقك يمكن يستفاد هو كمان

✍️ كتابة: بسمله دهب (𝓑𝓜𝓓) –  مرشدة نفسية وكاتبة محتوى ومؤسس "عبثيون