ازاي اخترنا اسم "عبثيون"؟ القصة الحقيقية وراء الاسم اللي حير الكل
في المقالة اللي فاتت، حكيتلكم عن بداية مشروع عبثيون، ووقفنا عند اللحظة اللي الكل فيها كان محتار، بيسأل نفس السؤال: "هيبقى اسمنا إيه؟"
بدأنا نرمي اقتراحات، كل واحدة فينا بتقول اسم، والتانية بترد باعتراض، نقد، أو حتى ضحكة ساخرة. لحد ما واحدة قالت بكل تلقائية: "اللي إحنا بنعمله دا ... اسمه عبث."
ردت عليها واحدة تانية فورًا: "خلاص! يبقى اسمنا عبثيون." وتم اختيار الاسم رسميًا بالتصويت.
بس من هنا بدأت المغامرة الحقيقية. أول ما بدأنا نشارك فكرتنا مع الناس، أول رد فعل كان دايمًا: "عبثيون؟! يعني إيه؟ هو دا اسم؟!". استغراب، أحيانًا استنكار، ودا كان متوقع تمامًا.
وعشان كدا، بدأنا نبحث، نسأل، نحفر في المعنى، ولقينا المفاجأة: إحنا مش أول "عبثيون" في تاريخ البشرية. فيه ناس قبلنا، تركوا أثرهم، وكانوا فعلًا عبثيين بطريقتهم.
متحمسين تعرفوا مين هم؟ خليكم معانا، الحكاية لسه بتبدأ...
تابعوا المقالات الجاية عشان تكتشفوا معنى "عبثيون" الحقيقي، وتعرفوا مين سبقونا في العبث الملهم.
ومتنسوش تابعونا على منصات التواصل عشان توصلك الحكاية أول بأول!
كتابة: BMD
تعليقات
إرسال تعليق
متنساش تشاركنا برأيك