عادات رمضان في الجزائر والهند وباكستان: تقاليد مميزة لاستقبال الشهر الكريم
استكمالاً لرحلتنا الممتعة بين تقاليد الشعوب في استقبال شهر رمضان ... وبعد ما اتعرفنا على طقوس وعادات بلدان عربية وإسلامية كتير في المقالات اللي فاتت، بنكمّل النهارده مع ثلاث دول جديدة، كل واحدة فيهم ليها طابعها الخاص وممارساتها اللي بتعبر عن الفرحة بقدوم الشهر الكريم.
الجزائر
الاستعداد لرمضان بيبدأ من قبل ما يهل علينا بأيام. الأهالي بيحرصوا على دهان البيوت بألوان جديدة، وشراء أدوات مطبخ وأغطية حديثة، وكمان بيتم تنظيف البيوت بالكامل وكأنهم بيجهزوها لاستقبال ضيف عزيز.
وفي جنوب الجزائر، عندهم عادة جميلة اسمها "التشعبينة"، ودي احتفالية دينية واجتماعية لتوديع شهر شعبان والترحيب برمضان، وبيتم فيها تقديم أكلة تقليدية مميزة اسمها "طبق شعبان".
الهند
المسلمون هناك ليهم طقوس خاصة جدًا، منها توزيع الحلوى والعصائر على المصلين بعد صلاة التراويح، والتمسك بلبس الطاقية خصوصًا في رمضان كجزء من الهوية الدينية، وكمان بينظموا موائد إفطار جماعي بتجمع الناس من كل الفئات.
باكستان
الأجواء الرمضانية بتكون مليانة تفاصيل مبهجة، خصوصًا للأطفال. في مدن زي بيشاور، عندهم تقليد اسمه "زفاف المرة الأولى" وده بيكون احتفال خاص بالطفل اللي بيصوم لأول مرة، بيتعاملوا معاه كأنه عريس، عشان يشجعوه على الاستمرار.
كمان عندهم مسابقة مشهورة جدًا اسمها "حرب البيض"، ودي بتحصل بين الشباب في الليل لحد وقت السحور، وبيتنافسوا فيها على كسر بيض بعض.
من العادات الطريفة كمان إن الستات بيغطوا راسهم فور سماع الأذان، حتى لو مش متعودين على الحجاب في الأيام العادية، تعظيمًا لروحانية الشهر.
قولولنا في التعليقات: إيه أكتر عادة شدت انتباهكم؟ وإيه أكتر دولة نفسكوا تعرفوا عنها طقوسها الرمضانية؟
وخليكم دايمًا متابعين لسلسلتنا الرمضانية، متنساش تقرأ باقي المقالات
كتابة: BMD
تعليقات
إرسال تعليق
متنساش تشاركنا برأيك