إيه هو العبث؟ وازاي تعكس الفلسفة العبثية معنى اسم "عبثيون"؟
إيه هو العبث؟ وليه اخترنا اسم "عبثيون"؟
قبل ما نقول يعني إيه "عبثيون"، كان لازم نسأل نفسنا: يعني إيه "عبث" أصلاً؟
"العبث" في اللغة يعني اللعب، أو إنك تعمل حاجة من غير هدف واضح أو نتيجة مفهومة. ودا وصف بيتقال على كل ما هو غير منطقي، لا يخضع للقواعد، ومش بيحترم النُظم المعروفة.
العبثية: بين الفلسفة والأدب
كلمة "العبثية" مش مجرد تعبير لغوي، لكن لها جذور أعمق في التاريخ، وظهرت على شكل مدرستين:
1. العبثية كمدرسة فلسفية:
المدرسة دي ظهرت كاستجابة لأسئلة الوجود والغاية من الحياة ... العبثية الفلسفية بتقول إن الإنسان بيحاول يفهم معنى وجوده في الكون، لكن دايمًا محاولاته بتنتهي بالفشل، لأن الكون في حد ذاته مش بيقدم إجابات واضحة.
2. العبثية كمدرسة أدبية:
اتولدت من نفس الفكرة الفلسفية، لكن اتجسدت في الأدب والمسرح. الكُتاب العبثيين قدموا صورة للإنسان الضايع، اللي مش قادر يلاقي معنى لحياته، رغم إنه بيدور عنه بشغف ... من أشهر رموز المدرسة دي: ألبرت كامو وصموئيل بيكيت.
العبثيون في الماضي
عبثيون العصر الحالي: إحنا!
أما إحنا، فبعد ما اخترنا اسم "عبثيون"، وبدأنا نغوص في معناه، اكتشفنا إنه بيعبر عننا جدًا ... إحنا مش بنشتغل عشوائي، ومش بنعمل حاجة بلا هدف ... بالعكس، إحنا مؤمنين برسالتنا، وعايزين نخلق محتوى جديد، حر، ملهم، مفيد، مؤثر، وغير تقليدي.
اهتماماتنا مش دايمًا منطقية في عيون الناس، لكن إحنا بنسعى عشان نكسر التكرار، بنرفض القوالب الجاهزة، وبنطرح أسئلة وجودية، بنحاول على قد م نقدر عشان نوصل في النهاية.
إحنا مش بننسخ من العبثيون القدامى، لكننا زيهم تأثرنا بالزمن، بالواقع، بالصدمات اليومية، وقررنا نعبّر عن ده بطريقتنا.
تعليقات
إرسال تعليق
متنساش تشاركنا برأيك