ازاي ترفعي استحقاقك وتعيشي معاملة الأميرات فى7 خطوات
كتير من البنات معندهمش وعي كافي بموضوع رفع الاستحقاق، مع إنه مرتبط ارتباط مباشر بـ الثقة بالنفس وازاي كل واحدة بتشوف نفسها.
غصب عنك، نظرتك لنفسك الناس كلها بتحس بيها وبتشوفها؛ لو شايفة نفسك قليلة، هيتعاملوا معاكي على الأساس ده، ولو شايفاها غالية، هيتعاملوا باحترام يليق بيكِ.
في المقال ده هنتكلم عن إزاي ترفعي استحقاقك بخطوات واقعية تساعدك تبني صورة قوية عن نفسك وتعيشي حياة تستحقيها فعلًا.
1- راجعي معتقداتك القديمة
نظرتنا لنفسنا غالبًا بتتكوّن من الطفولة، على حسب نظرة أهلنا لينا.
لو حسيتي إنك وقعتي في الفخ ده، اخرجي منه بأسرع وقت.
كتير من الأهل مكانوش عندهم وعي الدعم النفسي، وكان تركيزهم الأكبر على توفير الاحتياجات المادية، وده مش ذنبهم… لكن إحنا جيل مختلف، وعلينا نوفّر الوعي ده لنفسنا.
✨ شوفي نفسك بعيونك مش بعيون حد تاني.
إنتِ أكتر واحدة عارفة مجهودك وإنجازاتك، فابدئي بدعم نفسك بنفسك بدل ما تستني التصفيق من برة.
2- تقبّلي نفسك زي ما هي
مش مطلوب تكوني مثالية أو “بيرفكت”.
حبّي نفسك وتقبّليها ببساطتها وأخطائها قبل نجاحاتها.
كل ما تتصالحي مع نفسك، طاقتك بتتغير وشكلك وصحتك بيتحسنوا تلقائيًا.
3- حددي أهداف قابلة للتنفيذ
النجاح مش بييجي صدفة.
خلي أهدافك واضحة وليها خطوات واقعية وموعد نهائي (ديدلاين).
كل هدف صغير تنجحي فيه هيرفع ثقتك بنفسك، وهيسهّل عليك تنفيذ الأهداف الأكبر.
4- حرري نفسك من سجن الأفكار السلبية
لما تلاقي نفسك بتتكلمي بطريقة سلبية، قفّي الفكرة فورًا.
استبدليها بكلمات إيجابية عن نفسك.
عقلنا بيصدق كل كلمة بنقولها، وده بينعكس على لغة جسدنا وطريقتنا في التعامل.
قوليلها دايمًا: “أنا أقدر، أنا كفاية، أنا أستحق.”
5- خصصي وقت لنفسك كل يوم
اعملي روتين بسيط لنفسك، حتى لو ساعة واحدة في اليوم.
اهتمي بجمالك، بس خليه من باب حب الذات مش إرضاء الناس.
اعملي سكين كير ببطء، وعيشي اللحظة، لأن جسدك بيحس بحبك أكتر مما تتخيلي.
6- اتعودي تقولي "لا"
في حكمة بتقول:
“في التخلي التجلي”
يعني لما تتخلي عن اللي مش مناسبك، ربنا يبدلك بالأفضل.
لو في شغل بيستنزفك أو ناس سامة بتقلل منك، اتركيهم بثقة، عشان تفسحي مكان للطاقة الجديدة والأشخاص اللي يقدّروك بحق.
7- مارسي عادة الامتنان يوميًا
قبل ما تنامي بـ10 دقايق، فكّري في كل النعم اللي حواليكي.
دي طريقة بسيطة لكنها فعّالة جدًا لزيادة طاقة الرضا والثقة بالنفس.
كل ما تركزي على الخير اللي عندك، هتجذبي خير أكتر لحياتك.
كل حاجة ممكن تتغير، والأوان عمره ما فات.
بس التغيير الحقيقي يبدأ بقرار من جواكي إنك تستحقي أكتر.
عاملي نفسك كأميرة، وهتشوفي العالم كله بيتعامل معاكي بنفس المستوى.
📩 مستنية رأيكم وتعليقاتكم
ولو حد محتاج مساعدة أو استفسار، يقدري كلمني على الأكونت الشخصي:
rahma.abdelalem.1
تقدروا اقرأوا مقالات تانية شبه دا ⬇️
جميل جدا بالتوفيق دائما يآرب 🤲❤️
ردحذف