6 اسرار تخلي شريك حياتك يعاملك زي الأميرة اللي تستحقيها
كتير من البنات بيشتكوا من تعامل شريك حياتهم، وبيحسوا إنهم دايمًا شايلين المسؤولية كاملة: تخطيط، تفكير، وأحيانًا حتى المساهمة في مصاريف البيت.
مع إن طبيعتنا وديننا أكدوا على إن الرجل هو المسؤول عن رعاية أخته وزوجته وبنته وبر أمه.
لكن بسبب اختلاطنا بثقافات مختلفة، حصل اختلال في التوازن الطبيعي. بقينا نشوف رجالة كتير بتطالب بالمساواة في أدوار مش مفروض تتساوى، وبعضهم بيطلب مشاركة المرأة في مصاريف البيت.
وعشان كده، في المقال ده هنتكلم عن أهم 6 استراتيجيات ممكن تخلي العلاقة بينك وبين شريك حياتك أسهل وأجمل:
1- خليه يعيش في منافسة
تجنبي الأخطاء اللي بتخلي طاقته الأنثوية تزيد، متخجليش من طلب المساعده من شريك حياتك ، ومتعرضيش انت المساعده وتشيلي دور مش دورك، ودايمًا أبرزِي دور الأب في حياتك كمصدر أمان. ده هيخلي شريكك يحاول يثبت نفسه ويكون السند الأول ليكي
2- أوعي تعيشي دور الضحية
متشاركيهوش مشاكلك الأسرية كلها. خلي صورتك قدامه دايمًا إيجابية ومحبوبة بين أهلك وصحابك. ده هيخليه يحترمك أكتر ويحاول يتميز عنهم.
3- خلي عندك حياة متوازنة
متخليش شريك حياتك محور الكون. اهتمي بدراستك، شغلك، وأهلك. لما يحس إن عندك حياة مليانة، هيسعى يثبت وجوده بنفسه، من غير ما تخلقي لوجوده مكان فى حياتك بناءا عن مشاعرك فقط.
4- قللي العتاب الدرامي
متستخدميش أسلوب "الدراما كوين". لو زعلانة، أوقات الصمت أبلغ من الكلام. لما يشوف التغيير فيك من غير دوشة، هيحاول يعرف السبب ويحل المشكلة.
5- الاهتمام مبيطلبش
لو اهتمامه قل، زوّدي اهتمامك بنفسك. لما يشوف إنك مكتفية بنفسك مش محتاجة اهتمام من حد، هيرجع يهتم بيكي أضعاف.
6- عززي نقاط قوته
أي حاجة نفسك يعملها، امدحيه فيها كأنه بيعملها فعلًا.
فيه مثل مشهور بيقول: Fake it till you make it.
عاوزاه يبقى حنين؟ قولي له: "إنت أحن راجل في الدنيا".
عاوزاه يبقى سندك؟ قولي له: "مليش غيرك".
الطريقة دي بتخليه يطور سلوكه تدريجيًا.
التغيير دايمًا بيبدأ من عندك. لما تبدلي عاداتك الغلط بعادات صحية وتزودي طاقة أنوثتك، حياتك مع شريكك هتبقى أسهل بكتير.
مستنية رأيكم وتعليقاتكم، ولو حد محتاج مساعدة أو استفسار يبعتلي على الأكونت الشخصي، برد على كل الناس.
تعليقات
إرسال تعليق
متنساش تشاركنا برأيك