التسميات
مرسلة بواسطة

📝 تنظيم الوقت مع بداية الدراسة: خطوات عملية تخليك تسيطر على يومك ⏰✨



مع بداية كل سنة دراسية جديدة، بيكون عندنا حماس وخوف في نفس الوقت … حماس إننا نبدأ صفحة جديدة، وخوف من إن الوقت يضيع مننا وسط الزحمة، ومنلحقش نحقق اللي عايزينه.

 الحقيقة إن سر النجاح مش في عدد الساعات اللي بتذاكر فيها، لكن في إزاي تدير وقتك صح وتستفيد من كل دقيقة.

في المقال ده، هتلاقي خطوات عملية وبسيطة تساعدك تبدأ السنة دي وإنت مسيطر على وقتك ومتحكم في يومك.


✦ 1. ابدأ يومك بخطة واضحة

قبل ما تبدا تعمل حاجة وقبل م تبدأ يومك أصلا، اقعد دقيقتين مع نفسك واكتب:

  • أهم ٣ حاجات لازم تخلصها النهارده.

  • أوقات المذاكرة وأوقات الراحة.

    📌 ممكن تستخدم دفتر صغير يبقى معاك دايما ك to do list أو تطبيق على الموبايل. الفكرة إن يكون عندك خطة لليوم بدل ما تمشي عشوائي.

ويفضل تجهز الخطة دي من بليل عشان تصحى تاني يوم عارف هتعمل إيه، ومتضعش وقتك على الفاضي ولا يومك يمشي بعشوائية.


✦ 2.  جرب تقنية Pomodoro ⏳

لو بتعاني من فقدان التركيز، جرب الطريقة دي وعن تجربة شخصية:

  • 25 دقيقة مذاكرة مركّزة.

  • بعدها 5 دقايق راحة.

  • بعد 4 جلسات، خد بريك أطول (15 - 30 دقيقة).

    باالطريقة دي هتخلي المذاكرة أخف وأسهل بدل ما تبان رحلة طويلة ومرهقة.

ولو عايز تعرف أكتر عن بومودورو تكنيك أقرأ المقالة دي 

✦ 3. اتعامل مع التسويف بذكاء

التسويف بيبدأ بجملة "هبدأ بعد شوية" أو "مش لازم انهاردة خليها بكرة". 

الحل؟

  • قسّم المهمة الكبيرة لخطوات صغيرة.

  • كافئ نفسك بعد كل إنجاز صغير (فنجان قهوة، موسيقى، أو حتى جولة قصيرة).

  • افتكر دايمًا: "الخطوة الصغيرة اللي هتاخدها النهارده… هتفرق عن إنك متعملش حاجة خالص".


✦ 4. التوازن أهم من الكمال

مش لازم تذاكر 10 ساعات في اليوم عشان تعتبر نفسك ناجح أو إنك انجزت. 

الأهم إنك:

  • تنام كويس. 😴

  • تاكل أكل يغذي عقلك. 🥗

  • تخصص وقت لنفسك وصحتك النفسية. 🌿

لأن العقل اللي مرهق مش هيعرف يستوعب حتى لو قعد بالساعات قدام الكتاب.

✦  5. مساحة الدراسة سر من أسرار التركيز

لو مكتبك فوضوي، عقلك كمان هيبقى مشوش.

  • رتب مكتبك قبل ما تبدأ.

  • خليك محاط بحاجات بسيطة تلهمك: 

نبتة صغيرة 🌱، كوب شاي ☕، أو إضاءة هادية.

  • إبعد أي مشتتات (موبايل، إشعارات).


🌟 الخلاصة:

تنظيم الوقت مش معناه جدول صارم يخليك تعبان، لكنه فن إنك توازن بين المذاكرة وراحتك وحياتك. ومع بداية السنة الدراسية الجديدة، خلّي أول إنجاز لك إنك تكون صاحب وقتك… مش ضحيته.


📌 سؤالك النهارده:

إيه أكتر عادة بتساعدك تركز في المذاكرة وما تضيّعش وقتك؟ شاركنا تجربتك فى التعليقات 👇

✍️ كتابة: بسمله دهب (𝓑𝓜𝓓) – كاتبة محتوى ومؤسس "عبثيون".  

إقرأ أيضا 


إرسال رسالة إلكترونية
التسميات:

تعليقات

إرسال تعليق

متنساش تشاركنا برأيك

المشاركات الشائعة