هل العلوم مهمة 🤔
أكيد في وقت من الأوقات كان في بالك شوية تساؤلات عن أهمية العلوم وليه بندرسها في المدرسة, وأكيد في مرة سألت نفسك ليه المفروض أعرف كل الكلام دا, أو هيفيدني في إيه يعني.
وممكن كمان يكون حد من أخواتك الأصغر منك أو ولادك أو أي طفل لسة بيبدأ يدرس علوم سألك السؤال دا وأنا هنا عشان نحاول توصل لإجابة سوا.
1. العلم والمعرفة هم القوة اللي بتحركنا وتساعدنا علي التقدم وتطوير المجتمع ودا اللي خلانا نوصل للرفاهية اللي إحنا فيها في العصر الحالي.
2. للعلوم دور في حياتنا اليومية, عشان لازم يكون عندنا معلومات عامة ومعرفة بالحاجات اللي حوالينا, ونبقي مثقفين ولما نقعد نتناقش مع أي حد نعرف نتكلم معاه, لأن هيكون عندنا قاعدة معلومات بالحاجات الأساسية والمعروفة بالنسبة لأغلب الناس.
3. بيساعد في تطوير مهاراتنا وزيادة فرص العمل, ورفع مستوى الإقتصاد.
4. هتساعدنا نعرف شغفنا أو الحاجة اللي إحنا حابين نتخصص فيها بعد كدا.
5. دراسة العلوم ومعرفتها هي اللي طلعت دكاترة وصيادلاه وفزيائيين وعلماء.
6. ساعدنا نوصل للتطور التكنولوجي اللي إحنا فيه دلوقتي, واللي سهل حياتنا وخلاها مختلفة عن زمان.
7. خلانا نكتشف مصادر الطاقة المستدامة زي الطاقة الشمسية والرياح والطاقة النووية, واللي هتساعدنا نحافظ علي البيئة أكتر لان استخدامها هيقلل الإعنماد الوقود الأحفوري اللي يعتبر أحد أهم مسببات التلوث البيئي.
8. بتساعدنا علي فهم الطواهر الطبيعية اللي حوالينا وتفسير حدوثها, زي الجاذبية والاحتباس الحراري.
9. من خلال دراسة العلوم قدرنا نعرف كيفية عمل الكون من خلال البحث والتجارب.
وفي الأخر نقدر نقول إن العلوم مش مجرد مادة دراسية، دي أداة قوية لتحقيق التقدم والتطور في مختلف جوانب الحياة.
وبتمني إنك تكون قدرت تلاقي إجابة لسؤالك وإن يكون كلامي مفيد ليك، ولو عندك أي تساؤلات تانية فلا تتردد يا صديقي في إنك تطرحها علينا في الكومنتات، لأننا هنكون مبسوطين جدا إننا بنحاول ندور على إجابات لأي تساؤلات عبثية 😊
✍️ بسمله دهب
تصميم: زياد حسونه
#عبثيون #3abthion #عبثيون_العصر_الحالي
تعليقات
إرسال تعليق
متنساش تشاركنا برأيك