من بكره هظبط نومي واصحي بدري من بكره بهجت تاني خالص 😎

كام مرة قلت الكلام دا لنفسك ونمت وصحيت علي نفس الحالة 😴

كتير مننا بيعاني من الصحيان متأخر أو انهم بيصحوا مضايقين ومقريفين عشان ناموا متأخر وملحقوش يناموا اصلا 🥱 وأكيد طبعا كلنا عارفين فوائد النوم لجسمنا وصحتنا ونفسيتنا 💪

وعشان كدا جبتلك 10 نصايح تساعدك إنك تصحى بدري:

1. نام قبل ميعادك ب 8 ساعات. 

2. لو بتنام كتير يبقي نظم نومك تدريجيا بإنك تقلل ساعات نومك نص ساعة كل اسبوع لحد م توصل لوقت الصحيان المناسب، وثبت ميعاد نومك. 

3. بلاش تاكل قبل م تنام، خلي في 4 ساعات مثلا بين الأكل والنوم. 

4. قلل من الشاي والقهوة واي منبهات. 

5. قلل إضاءة الاوضة وابعد عن إضاءة التليفزيون والموبايل. 

6. خلي الاوضة متهوية ودرجة حرارتها مناسبة.

7. خلي نغمة المنبه هادية او موسيقى بتحبها. 

8. التزم بميعاد الصحيان، اول م المنبه يرن قوم على طول متقفلهوش وتكمل نوم. 

9. اتعرض للنور أول م تصحى عشان جسمك يعرف ان دا وقت النهار مش وقت نوم. 

10. ابدأ يومك بحاجة بتحبها زي القراية مثلا.

اتمني النصايح دي تفيدكوا وتقدروا تظبطوا نمكوا بقى، ولو في حد عنده نصيحة يقدر يضيفها ياريت يقولها في الكومنتات، هنكون ممنونين له جدا 💜

✍️ بسمله دهب 

تصميم: زياد حسونه 

#عبثيون #3abthion #عبثيون_العصر_الحالي