هل فقدت نفسك؟! - افهم التغير اللي بتحسه وتعلم تتقبله
هل حسيت في مرة إنك مش زي زمان؟
بتسأل نفسك: "هو أنا ليه اتغيرت؟!"
لو السؤال ده خطر على بالك بعد منتصف الليل، فخليني أقولك إنك مش لوحدك. كتير مننا بيمر بالمرحلة دي، وبيفتكر إن في خلل جواه.
لكن الحقيقة أعمق من كده بكتير...
أنت لسه أنت، بس العالم حواليك اتغير
اللي بتحسه مش غريب، ومش ضعف،
هو ببساطة نقلة نفسية ونضج داخلي بيحصل لما تسيب مرحلة الطفولة وتدخل مرحلة الحياة الحقيقية.
زمان كنت بتخلص واجبك وتتفرج على سبيستون،
النهارده بقيت قدامك مهام ومسؤوليات،
حاجات بتتطلب منك قرارات، صبر، وتحمل.
ليه بتحس إنك مش زي الأول؟
الطفولة راحت؟ لأ، الطفولة لسه جواك، بس الأولويات اختلفت.
بتحس بالوحدة؟ طبيعي، لأنك بقيت أكثر وعيًا بمشاعرك.
حاسس إنك اتغيرت؟ لأنك فعلًا كبرت... وده مش شئ سلبي.
نظرة بعيدة
اعمل Zoom Out وشوف الصورة كاملة
أكبر غلطة بنعملها إننا بنشوف نفسنا من زاوية ضيقة،
بنقارن حالنا دلوقتي بالماضي،
وننسى إن الزمن نفسه اتغير، والظروف كمان.
لو خرجت نفسك بره دايرة التفكير المحدود دي،
هتكتشف إن التغير اللي حصل فيك هو أساس نضجك،
وإن الحياة بقت مليانة تفاصيل جديدة وجميلة.
توقف عن مطاردة الكمال
لو دايمًا بتقول لنفسك:
"كنت أحسن زمان"
"مش قادر أفرح"
"نفسي أرجع زي الأول"
فأنت في فخ كبير اسمه الكمال الوهمي.
الماضي كان له جماله، لكن اللي جاي فيه فرص أعظم لو قررت تبص له بعين التفاؤل مش الندم.
بص لقدام
لو فضلت تبص وراك، عمرك ما هتعرف تمشي لقدام
الندم مش هيرجع اللي فات،
بس ممكن يضيع اللي جاي،
وأكتر باب بيودّي للاكتئاب هو دايرة التفكير السلبي في اللي راح.
تقبل التغيير
ابدأ يومك بسؤال واحد: "هعمل إيه النهاردة؟"
بدل ما تفضل تفكر في اللي راح،
ابدأ يومك بالسؤال ده:
"إيه الإنجاز اللي ممكن أحققه النهاردة حتى لو بسيط؟"
الإنجازات الصغيرة بتراكم،
وتوصلك لأحلام كنت شايفها مستحيلة.
الطفل اللي جواك لسه عايش
صدقني، إحنا لسه أطفال،
الفرق بس إننا كبرنا وبقينا مسؤولين،
لكن روحك الجميلة ولسة جواك، مستنية فرصة تطلع وتفرح.
خلاصة المقال
الشعور بالتغير طبيعي ومفيد
المقارنة بالماضي مش دايمًا منصفة
الكمال وهم والواقعية نعمة
كل يوم فرصة جديدة لبداية مختلفة
اللي جاي يستاهل تعيش عشانه
📌 شاركنا في التعليقات:
هل مريت بنفس المرحلة دي؟
وإزاي خرجت منها؟
لو عجبتك الرسالة، انشرها مع حد حاسس بنفس اللي بتحس بيه،
يمكن تكون سبب في إنه يشوف الدنيا بشكل مختلف.
كتابة وتصميم: AEMO
تعليقات
إرسال تعليق
متنساش تشاركنا برأيك