ازاي ترجع تظبط نومك تاني بعد لخبطة رمضان
شهر رمضان الكريم له روحانياته الخاصة، وبيحصل فيه تغييرات كتيرة في نمط الحياة اليومي، وأكيد طبعا نومنا من الحاجات اللي بيحصلها تغيرات. لأن بعد شهر كامل من السحور، والتراويح، والسهر لوقت متأخر، هتلاقي صعوبة في إنك ترجع لروتين نومك المعتاد.
دايما بشوف إننا عشان نعرف نحل مشكلة لازم نعرف سببها الأول. في هذه المقالة هحاول أقولك إيه الحاجات اللي ممكن تكون سبب لخبطة النوم طول رمضان، وإيه تأثيره على الصحة، وبعدها بعض الخطوات اللي ممكن تساعدك إنك ترجع لنظام نومك تاني وتستعيد نشاطك اليومي.
1. ليه نمط النوم بيتغير في رمضان؟
لما بنصجى بدري عشان الأكل وقت السحور دي حاجة بتخلينا ننام متأخر .. السهر بعد التراويح بيخلي فترة النوم قصيرة ومجزأة .. إننا ناكل وجبات ثقيلة بليل وتعرضنا للضوء الاصطناعي بيزودوا صعوبة النوم.
2. أثر اضطراب النوم على الصحة
لخبطة النوم دي بتسبب ضعف التركيز والإنتاجية في العمل أو الدراسة .. تذبذب المزاج وزيادة التوتر .. مشكلات صحية مزمنة على المدى الطويل مثل ارتفاع ضغط الدم واضطرابات المناعة.
3. خطوات إعادة ضبط نمط النوم
- تحديد مواعيد ثابتة
اختر وقت مناسب للنوم والاستيقاظ والتزم به حتى في إجازة أخر الأسبوع.- التدرج في التعديل
- التعرض للضوء الطبيعي
حاول تتعرض للشمس أول م تصحى، لأنها بتساعد على تنظيم الساعة البيلوجية، ودا هيعزز إفراز هرمون الميلاتونين اللي بيحفز النوم بليل.- تقليل المنبهات
قلل من شرب المشروبات اللي فيها كافيين زي الشاي والنسكافيه والقهوة، خصوصا من بعد العصر، وتجنب الإكثار من السكريات والمشروبات الغازية .- ممارسة الرياضة بانتظام
الرياضة بتساعد في تحسين جودة النوم، لكن يُفضل أن تكون الرياضة في بالنهار مش قبل النوم مباشرة.
- تهيئة بيئة النوم
خلى غرفة نومك مظلمة وهادئة، استخدم ستائر غامقة وثقيلة، ودرجة حرارة معتدلة، وممكن تستخدم سدادات الأذن إذا لزم الأمر. وتقدر تستخدم تطبيقات تتبع النوم لتقييم جودته وتعديل عاداتك.- تجنب الشاشات قبل النوم
متستخدمش الموبايل أو الكمبيوتر أو التلفزيون قبل ساعة على الأقل من ميعاد النوم، لأن الإضاءة الزرقاء الصادرة منهم لها تأثير سلبي على إفراز الميلاتونين.- الالتزام بروتين ليلي ثابت
وفي النهاية افتكر إن النوم كويس مش مجرد حاجة جسدية، بل هو أساس لحياة صحية ومتوازنة. وإن تحسين عادات النوم هيدي انعكاس إيجابي على كل جوانب الحياة، من الصحة النفسية والجسدية إلى الإنتاجية اليومية.
ف خلونا نلتزم بالنصايح دي لتحقيق نوم أفضل، لأن العناية بالنوم هي العناية بالنفس. والنوم هو مفتاح الطاقة والإيجابية للحياة!
كتابة: BMD
مستنيين آرائكم ومشاركاتكم في الكومنتات، متابعتكم على منصاتنا 👇🏻
تعليقات
إرسال تعليق
متنساش تشاركنا برأيك