"حوار مع يارا غازي 'Queen Dark': رحلة الإبداع من طنطا إلى عالم الروايات"
يارا غازي صاحبة ال 20 عام، من محافظة طنطا، والملقبة ب Queen dark، طالبة بكلية الدراسات الإسلامية قسم اللغة العربية، كاتبة روايات متميزة، دايما واثقة من نفسها وبالأخص في مجالها، ودا من حبها لموهبتها لإنها من الطفولة، أكثر ما تفتخر بيه اكتشفت شغفها في الكتابة.
احكيلنا حكايتك مع الكتابة
أنا كان عندي روم بوستات عادي جدا، ف في بنوتة من الروم دخلت تتكلم معايا إن هو روم غير هادف ومش بنستفاد منه، عجبتني طريقتها وفي نفس الوقت استفزتني.
واحدة واحدة بدأنا نتكلم وعرفتني إنها كاتبة روايات وكانت بتاخد رأيي في رواية وعجبتني أوي، قلت أنا أجرب أكتب، وفعلا جربت وكانت حاجة صغيرة جدًا وكنت مش مرتبة الأفكار، وكنت بحب اسمع روايات على قنوات اليوتيوب.وبدأت رحلتي مع كتابة الروايات، واكتشفتها رغم إنها كانت عندي بالفطرة، لأني كنت بحب احكي أوي قصص زي فانتازيا كده، لحد ما بقى عندي مملكه وبشارك فيها، وحاليا بقى لي في المجال ثلاث سنين وإن شاء الله مكاملين للأخر.
تفتكري أول حاجة كتبتيها؟
أكيد لسه فاكرة ومعايا كمان pdf بكل رواياتي من الأول.
 |
| "مشرحة الأموات" أول كتابات يارا غازي |
إيه حكاية لقبك Queen Dark
أنا بحب الرعب، فدمجت اللقب من حبي للنوع ده.
عندي كمان 6 مميزين في حياتي بعتبرهم أقمار، بس على كوكب تاني، والنجوم دول هم الفان، أما أنا فـ السماء... في الليل.
مين اللي وقف جمبك وشجعك من بدايتك لحد دلوقتي؟
أصدقائي المقربين: "نورهان" و"لوجي" ودي بالأخص أول واحدة اكتشفت الموهبة دي، وكانت أول قارئة، وكانوا معايا من البداية.نجومي: عيلتي الثانية اللي دايما بيشجعني.
أكتر فن بتحبي تكتبيه؟
بصراحة بحب أكتب في كل الأنواع، لكن اللي بيشدني أكتر هو :-مين قدوتك في الكتابة؟
وبقولها بكل فخر "ريناد يوسف" كاتبة الروايات المعروفة والمحببة إلى قلبي. قدوتي وإن شاء الله أتمنى أكون زيها في يوم من الايام. حبيتها علشان بساطتها في الكتابة وأسلوبها المميز والدقيق، بتخلينا نعيش في قلب رواياتها، نعيط ونضحك وتحسسنا بالأجواء الجميلة اللي جوه الرواية، بحبها لأبعد الحدود.إيه أكتر رواية محببة لقلبك؟
إيه أكتر تعليق أثّر فيكي؟
قالولي: "مش هتوصلي، ومحدش هيعرفك، ورواياتك وحشة."
واجهتك مشاكل ككاتبة؟ وإزاي تعاملتي معاها؟
الأخطاء إملائية: وده بيضايقني عموما بعد ما أنزل الرواية وبحاول أحسن من نفسي بردو علشان إن شاء الله في المستقبل قريب أوي هيكون عندي كتاب وراقي. بتعامل معاها بإني بخلي بالي دايما أو مثلا صديقة بتساعدني وبتصحح ورايا.
الكلام السلبي: ساعات بضعف وبزعل أوي، بس دايما اللي بيحبوني، بيقولوا:"لو معندكيش أعداء نجاح، يبقى مش ناجحة." ودا كلام بيحفزني.
ازاي بتطور من نفسك؟
أفكاري بتبقى مميزة جدا وبره الصندوق ومش مختلطة بالروايات، الفترة دي خيالي واسع لدرجة كبيرة وده اللي ساعدني، ودايما الطبيعي بتكون على شكل رواية بالنسبة ليا.بتحبي تكتبي في أي أجواء؟
لما أكون قاعدة لوحدي في أجواء هادية جدا وسط الطبيعة والمناظر الحلوة، أو مكان بعيد عن البشر عموما. وده مكاني الخاص وبكتب بكل تلقائية، بس باخذ بالي من طريقة السرد.
إيه هو حلمك اللي بتسعي لتحقيقه
إني أكون محبوبة. مشهورة وسط "نجومي" ، ويبقى لي روايات ورقية إن شاء الله في المستقبل، ويكون عندي قناة يوتيوب خاصة بيا لأني بحب الانيميشن اوي.نصيحة تقولها لحد عايز يبدأ في مجال الكتابة
كتابة: BMD
- حوارنا مع كاتبة الخواطر "عفاف محمد" ⬇️
- حوارنا مع كاتب الرعب "أحمد ناصر" ⬇️
- حوارنا مع كاتبة رواية كل الطرق "ميادة سليم" ⬇️
تعليقات
إرسال تعليق
متنساش تشاركنا برأيك