حوار مع الكاتبة الشابة ياسمين رضا عابدين: "النجاح مسألة وقت وصبر، وسأصل مهما حدث
💬 عرفينا بنفسك!
أنا ياسمين رضا عابدين، أبلغ من العمر 19 عامًا، من كفر شكر - القليوبية ... كاتبة ومدققة، أحب الكتابة كثيرًا إنها سبب سعادتي في الحياة وأسعى كثيرًا على تطوير مهاراتي بها، ولا يوجد في قاموسي معنى الخسارة، سأصل إلى ما أريد مهما حدث؛ ولكن بقدرة الله أولًا والسلام.
✍️ بدأتِ تكتبي إزاي ومن إمتى؟
بدأت كتابة من زمان كنت بحب أكتب أي حاجة، بس كانت مع نفسي مش بنزل أي حاجة .. وكنت بكتب عشان بشوف نفسي بس مع القلم والورقة كنت بقدر أخرج مشاعري الحقيقة.
وكنت اكتشفت إني موهوبة بالكتابة وإني عندي أفكار مميزة أوي تميزني عن غيري وبدأت أكتب وأعرف أكتر وأكتر عن المجال وأطور من أخطائي وهكذا ... فأنا عاشقة للكتابة.
📚 إيه أول حاجة كتبتيها؟
رواية اسمها "رفقًا بالأيتام"، كانت أول بدايتي إني أكتب رواية كاملة وانزلها ويجي عليها تفاعل كبير. هي دلوقتي محتاجة تعديل كبير من ناحية السرد، والحوار، وكذا نقطة. لأني دلوقتي تطورت كتير بفضل الله وزمان مش زي دلوقتي خالص .. بس أنا فخورة بيها لأنها أول أعمالي ونزلت على برنامج الواتباد لو تم البحث عليها هتظهر.
🎯 إيه أكتر نوع بتحبي تكتبيه؟
بحب أكتب أكتر المحتوى الديني والنفسي.
- الديني: لأن بوصل به معلومات دينية كتير المعظم غافل عنها، بقدر احكي مواقف وتجارب كتير فالقارئ يتعلم منها، وهدفي أفكارهم إن الدنيا دار إبتلاء وفانية، والراحة في الجنة فقط، فالدنيا متنسناش إحنا جايين امتحان لجنة ولنار.
- النفسي: هدفي أصلح إلا بوظته الأيام وبقدر اوريهم حالات حقيقة وعلاجها.
🤝 مين شجعك من البداية لحد دلوقتي؟
أنا من شجعت نفسي بنفسي، وعدى عليا أوقات كتير في فقدان شغف. كنت بقوم واتخطى أي حاجة بنفسي، ملقتش حد دعمني طول الوقت وكان عنده شغفي ده، كل من عرف وقرأ ليا أي شيء تمنى ليا التوفيق وفرح لنجاحي، وعرفني قد إيه إني موهوبة وأستمر.
وأصدقائي من الوسط قاموا بدعمي حين احتاج إليهم ولم يبخلوا عني بشيء، ولا أنسى فضلهم ولا كل من دعمني ولو بحرف، وفي النهاية نفسك اللي تقدر على كل شيء فقط.
😔 إيه أصعب لحظة عديتي بيها ككاتبة؟
فقدان الشغف مميت بالنسبالي، إني أكون قربت أخلص حاجة وفجأة مش قادرة أعمل أي حاجة، ويكون ورايا التزامات كتير وتسليم حاجات ومينفعش أي أعذار ومفيش طاقة لأي حاجة ف صعبة أوي.
وأكيد هقابل حاجات كتير طول منا بسعى وهيكون في عقابات كتير ترجعني لورا بس أنا معرفش يعني هزيمة ف الله المستعان.
🕯️بتحبي تكتبي إمتى؟
في هدوء نوعًا ما، عشان أقدر أرتب كل حاجة بكتبها، بس يوم ما يجي فكرة ولازم أكتب هكتب مهما كان الوضع.
💡 أكتر حاجة بتلهمك في الكتابة؟
بحب في العموم أكتب وقت ما يجي أي فكرة على بالي وأحس فيها هدف كبير، بس أكتر حاجة أوقات حزني بطلع أحسن من فيا في الوقت ده.
📖 هل في كاتب أثّر فيكِ؟
الكاتب "عمرو عبد الحميد" صاحب رواية "أرض زيكولا" والكثير من الروايات المشهور بيها، كاتب مميز ورائع، وعمومًا كثر القراءة عمتًا أول خطوات النجاح.
🔧 بتطوري نفسك في الكتابة إزاي؟
-
بقرء كثير.
وأخدت كورسات كثير عشان حابة اتعمق أوي في المجال.
وبتعلم من الأكثر خبرة مني.
وديما أسال دي ليه وعشان أي وهكذا.
ومازال البحث عن كل شيء يطورني أكتر وأكتر فهو عشق لا ينتهي.
⛔ إزاي بتتعاملـي مع "البلوك" الإبداعي؟
- ديما بفكر نفسي بإنجازاتي ووصلت لأيه، وأفضل اشوف أنا حققت قد إيه، فالرغبة بتزيد لأني إني أكمل.
- أبص لنفسي بصة لبعيد، إني لو كملت هبقى زي ما أنا عاوزة، فمخليش حاجة توقفني عن حلمي اللي بسعى إليه.
- بقرأ روايات وكتب لكُتاب كبار، بيشجعني كتير إني عاوزة أوصل وأعمل ليا أسم.
👀 هل في ناس شككت في موهبتك؟
ايوه، حد كان مفروض قدوة ليا، وإني بتعلم منه وهو القائد. ف شكك في كل حاجة بعملها، وأنها مش أحسن حاجة.
بس مخلتش الشك في موهبتي يطول، وعرفت قد إيه هو حد مش سوي. حتى لو الأداء مش أحسن حاجة، في حاجة اسمها تشجيع ودعم.
ف عرفت إن الكل مش هيتمنى ليك الخير، وفي الأول والآخر كنت بتعلم، اسمي لسه بتعلم، ياريت الواحد لما يوصل عمره ما يصعبها على حد.
📲 جربتِ تنشري؟ إحكيلنا عن التجربة.
نشرت إلكتروني وكانت رواية "رفقًا بالأيتام"، جابت مشاهدات وكومنتس كتير، بالنسبالي في الوقت ده كبير وفخر عندي، وعندي صفحة فيس بوك بنزل عليها كل نصوصي، وكل شيء بكتبه، وعندي أمل كبير تكبر ويكون ليا قراء كتير.
أما الورقي ده هدفي الأكبر لسه، وبتمنى ينزل المعرض الدولي، مازالت في التطوير عشان أقدر أعمل حاجة هادفة مش مش اسمي نزلت وخلاص.
💬 أكتر تعليق أثر فيكِ؟
في كل مرة من الريفيو اللي كان بيجي ليا عن عمل من أعمالي حرفيًا بكون طايرة من الفرحة، وبحس قد إيه فعلًا طريقتي وكلامي موثر بيشجعني أوي إني عاوزة أكتب كتير وكتير.
وفي كل مرة حد ينزل حاجة من كلامي من غير حتى ما أقوله، بكون فخورة ومبسوطة من نفسي، أحساس جميل أوي أوي ربنا يجعله لكل مشتاق.
🌐 شايفة دور السوشيال ميديا في إبراز الكتّاب الجدد إزاي؟
يعجبني كثيرا، عشان بنقدر نظهر ونتعرف، وفي وسائل كتير أوي نقدر نوصل الفن ده، وكتير أوي بيساعد على ده، بس ولاد الحلال اللي بيحبوا الخير لغيرهم بس، وأنا قابلت ده وده ولسه هقابل.
🧭 لو قابلتي كاتبة في بدايتها، تنصحيها بإيه؟
- النجاح حلو أوي أوي، طعمه وأحساسه جميل، وطول ما في نية وحابة الموضوع أبدأي.
- مش هقول الموضوع سهل، كل حاجة أكيد فيها صعاب، بس الموضوع ممتع طول ما أنتِ حابة، حتى ضغط الشغل محبوب، والأنسان طول ما حابب هيطلع أحسن نسخة منه، بيستمر في التطوير.
- ربنا مش بيضيع تعب حد أبدًا، لو مفيش نتيجة النهاردة فبكرة هتكون موجودة، نصبر ونسعى فقط.
- ومنخليش أي حاجة ترجعنا ورا، لو محدش شجعني نشجع نفسنا بنفسنا.
- كل واحد يعرف لوحده قد إيه تعب عشان يوصل لده، فكون فخورة بالنتيجة مهما كان ومنخليش في ييأس مهما حصل.
🌟 بتحلمي توصلي لإيه من خلال كتاباتك؟
- أبقى كاتبة معروفة وليا كتب وروايات كتير بأسمي، بحلم ليل ونهار بالحلم ده، حلم كبير أوي أوي نفسي أحققه، مش صعب وهقدر مسألة وقت وصبر، وبكرة إن شاء الله أكون بين الحلم ده.
- أكون مؤثرة فيهم واتعرف بشطارتي وكل خير لما يتذكر أسمي.
- نفسي في يوم اشوف وأسمع إني قدرت أصلح حاجة جوه شخص، وكلامي جِه بالنفع معاه.
- هكون في أشد سعادتي بالأثر الطيب اللي هيقعد ليا، وبسعى في كل كتباتي أسيب أثر، مش مجرد كلام عابر، ومع التطوير بتعلم وأعرف أكتر وأكتر.
🖋️ في رأيك، إيه اللي بيميز كاتبة عن غيرها؟
-
الحوار والسرد القوي، طريقة الكلام والترتيب المحب للعين، يخليكي تفكري تقرأي.
التشويق لما بيكون صح بنحب نكمل الرواية، عشان كمية الفضول اللي حصلت.
وطبعًا المحتوى اللي بيتقدم، طول ما أنا بستفاد وباخد معلومات لأول مرة، هحب أقرأ ديما للكاتب ويكون مميز عندي.
لو عجبك الحوار، شاركه مع من حد تعتقد أنه محتاج يقرأ كلمات صادقة من كاتبة بدأت من الصفر ولم تستسلم.
سيب لنا تعليق برأيك أو بتجربتك في طريق الشغف، وادعم الكاتبة "ياسمين رضا" بمتابعة صفحتها على فيسبوك. 💬✨ بيدج "ياسمين رضا عابدين"
كتابة: BMD
متنساش تقرأ باقي حوراتنا مع الكُتاب
- حوارنا مع الكاتبة يارا غازي ⬇️
- حوارنا مع كاتبة الخواطر "عفاف محمد" ⬇️
- حوارنا مع كاتب الرعب "أحمد ناصر" ⬇️
- حوارنا مع كاتبة رواية كل الطرق "ميادة سليم" ⬇️
من نجاح لنجاح ويارب تبقي اهم وأشهر واشطر كتابه وتحققي كل احلامك واكتر
ردحذفبرافووووووو
حبيبتي كل هذا يزيدني فخراً فوق فخري بك احبك من كل قلبي واتمني ليكي التوفيق دائما ❤️✨👑
ردحذفانا بجد فخوره بيكي اوي واتمني انك توصلي لاكتر من كدا وتبقي كاتبه مشهوره جدا كتاباتك هادفه بشكل كبير جدا كلامك بيلمس القلوب بجد
ردحذفاتمني توصلي لاكتر من كدا عشان انتي تستاهلي كل خير
ردحذف